ADVERTENCIA IMPORTANTE

Érbedo” é un grupo sendeirista non federado formado por amig@s que se xuntan libre e conscientemente para realizar rutas a pé. Polo tanto, ao non contar cun seguro colectivo, cada persoa que participa debe facerse responsábel da súa seguridade e de calquera contratempo ou accidente que poida acontecer. Por isto, recoméndase: 1.-Acudir ás rutas co equipamento adecuado. 2.-Contar cun seguro individual que cubra calquera continxencia non desexada.

16/05/19

RUTA do EO-PENA MILLARES en RIBEIRA PIQUÍN co grupo SALTAPRAOS

SÁBADO 8 de XUÑO de 2019

VER RUTA EN WIKILOC (comprobada e subida a Wikiloc por Nilo)

ANÓTATE AQUÍ
Ruta polas beiras do río Eo, no Concello de Ribeira de Piquin (VÍDEO), moi ben situado entre Galiza e Asturias para facer a ruta-xuntanza anual Érbedo-Saltapraos.
Ruta Circular, con saída e chegada no Chao de Pousadorio.
Distancia: 21,5 km
Dificultade: media (ver perfil)
Duración aproximada: 7 horas
DESCRICIÓN: sairemos do Chao de Pousadoiro pola beira do río Eo cara á área recreativa d´ A Retorta. Logo teremos unha longa subida que nos levará ata o mirador de Pena Millares. Aí, se cadra ben, miraremos a paisaxe e xantaremos. Virá a continuación traxecto ata a aldea de Sadrarín, e pola aba da montaña iremos ata Bidueira. Seguiremos cunha baixada longa e, xa á beira do Eu, chegaremos de novo ata o Chao de Pousadoiro, onde cearemos as troitas e o año da tradicional Casa Horacio.
Paisaxe de ribeira do río EO. Colleremos a natureza no seu esplendor.
Aínda que a Ruta do Río EO-Pena Millares está moi ben indicada, todos sabemos que as perdas co Érbedo están máis que garantidas. Que sería de nós sen elas? Prepararse os da outra banda.
Saída de Lalín: 8:15
Punto de encontro: 10:00 Casa Horacio, no Chao do Pousadoiro (concello de Ribeira de Piquín). Chégase en 20 min. por estrada de montaña desde Meira.
Inicio da Ruta: 10:30.
Ao remate, haberá duchas para asearse na área recreativa de Chao de P.
CEA: Casa Horacio (Chao de Pousadoiro, Ribeira de Piquín): troitas, setas e mexillóns; año asado; sobremesa, café e viño, todo moi de fiar. PREZO: 22€.
Ollo: comedor limitado en espazo. Trala negociación de Nilo, podemos chegar a 40 persoas (e incluso ten outro comedorcico arriba). Pero anotarse canto antes á Romaría.
Quen desexe facer noite (antes ou despois da ruta) neste mesmo establecemento: Casa Horacio, tfno 982 33 36 85 (Prezo: 30€ habitación dobre; 35€ o apartamento con 3 dormitorios). 
AVISO: Estase preparando unha "Rutina" para os que queden o domingo 9.
    Fervenza da Pena dos Portelos

18/04/19

CONVOCATORIA DE RUTA NO CANÓN MEDIO DO RÍO LÓUZARA

SÁBADO 4 DE MAIO DE 2019
VER RUTA EN WIKILOC
ANÓTATE AQUÍ

Convocamos nesta ocasión a unha excelente ruta no Courel, arredor do curso medio do río Lóuzara. Un paraíso natural desta nosa terra galega. A orografía e a natureza maniféstanse nesta zona con verdadeira exuberancia e diversidade.
A ruta é un marabilloso tobogán, que nos levará ás terras poéticas enxalzadas por Fiz Vergara Vilariño e Uxío Novoneyra, percorrendo as ladeiras e o val, as aldeas de Santalla, Gamiz (aldea abandonada), Cortes e Parada. Fervenzas, alvarizas, muíños, covas, frondosos soutos, esveltos lamigueiros e os perfís da montaña courelá, sempre tan abruptos e decote atraentes. E no medio, encaixado e sucesivos meandros, o río Lóuzara coas súas  augas de inmaculada transparencia.
E de remate, esperamos cear na Casa de Aira Padrón, na mesma parroquia de Lóuzara.
CANÓN NO CURSO MEDIO DO RÍO LÓUZARA

ALDEA DE SANTALLA, berce do poeta Fiz Vergara Vilariño.
Cova da Fonte
Fervenza de Augadalte

GAMIZ (ALDEA ABANDONADA)



ALDEA DE PARADA (VÍDEO)






Fervenza preto de Parada


Sequeiro de Parada
COVA GRANDE DE SANTALLA (VÍDEO)
Na fin da ruta temos previsto adentrarnos no corazón desta terra, máis se cabe. Para iso, que mellor que visitar a Cova Grande de Santalla! Trescentos metros de galería nas entrañas calizas de Lóuzara para admirar estalagmitas e estalactitas. Non revisten perigo especial, pero hai unha zona na cova onde hai que ir agachados, case reptando. Como hai humidade e terra, sería moi útil un mono de pintor desbotable. Hainos nos chinos por 2 ou 3 euros. Tamén é imprescindible unha linterna, preferiblemente das que se levan na fronte.

Saída: Estación de Autobuses de Lalín
Hora: 7:30
Punto de encontro: O Incio, bar Paradís (fronte ao Concello). Hora 8:45

Percorrido da ruta: 20,2 Kms.
Dificultade: media alta

Cea: Casa de Aira Padrón. Menú: Troitas de Santalla, calamares, cordeiro asado en forno de leña con patacas e gornición, sobremesa a escoller entre varias opcións caseiras, bebida e café. Prezo: 20 € (con viño mecía embotellado, habería que engadirlle 2 € máis).

12/03/19

RUTA DO COCIDO EN CUNTIS, CASTROLANDÍN, RÍOS UMIA E GALLO

SÁBADO 6 DE ABRIL DE 2019
VER RUTA EN WIKILOC
ANÓTATE AQUÍ
 Convocamos aos camiñantes a unha ruta de 13,52 Kms nas terras de Cuntis, vila termal con significadas pegadas romanas, onde visitaremos Castrolandín, os ríos Umia e Gallo con todos os seus atractivos, bosque de galería, muíños, pontellas, fervenzas, poldras....
A ruta está programada para rematar pola mañá e que nos permita degustar un bo cocido no restaurante DE VINTAGE, en Souto, Moraña. Prezo do menú (25 €).
PÁXINA OFICIAL DE CASTROLANDÍN
CASTROLANDÍN EN GALICIA MÁXICA
DOCUMENTAL SOBRE CASTROLANDÍN
VÍDEO DE CASTROLANDÍN A VISTA DE DRON
VER FOTOS DESTA RUTA FEITAS POLO GRUPO ANDAINAS 

Saída :Estación de autobuses de Lalín
Hora: 8:00
Percorrido: 13,52 Kms.
Dificultade: Media
Xantar no restaurante De Vintage de Souto-Moraña ás 15:00 horas
Punto de encontro: Bar Batifoula, Cuntis. Hora 8:50
Aparcaremos e inciaremos a ruta desde o Pavillón de Deportes de Cuntis

DESPOIS DA RUTA TEREMOS A OPORTUNIDADE DE DUCHARNOS NO PAVILLÓN DE DEPORTES DE MORAÑA ( A 2 Kms. do restaurante).

06/02/19

RUTA VILA DO GERÊS - CASCATA DO ARADO - CURRAL DA TEIXEIRA - CALDAS DO GERÊS

SÁBADO 16 DE FEBREIRO DE 2018


Nesta ocasión escollemos o Parque Nacional  do Gerês  para realizar unha ruta non moi longa pero si con algunhas pendentes. 14,7 Kms para adentrarnos na montaña e ver as pincheiras do río Arado e o curral da Teixeira. No retorno, baixada a Caldas do Gerês e finalizaremos na vila do Gerês, importante centro termal  e turístico.
.
VÍDEO DO PARQUE NACIONAL PENEDA-GERÊS (Precioso vídeo no que aparecen paraxes polas que transitaremos).

A ruta marcada en verde é a nosa ruta principal. E cabe a posibilidade de que como entrante fagamos unha pequena ruta, inferior a 2 Kms, desde a Portela do Home pasando pola Mata da Albergaría e río Homem.
Percorrido: 14,7 Kms.
Dificultade: media-alta
Ruta moi interesante que pasa por lugares de alto interese natural, paisaxístico e turístico. Podería afirmarse que esta zona é o epicentro do sendeirismo, pois de aquí parten centos de rutas diferentes. As montañas compiten en elevación e formas graníticas. E os ríos verdes e azuis ora baixan apurados ora repousan nas innúmeras pozas.
Saída: Estación de autobuses de Lalín
Hora: 7:30 horas
Punto de encontro: Lobios. Cafetería do Hotel Lusitano. Hora 8:50
No remate da ruta achegarémonos á piscina termal exterior do río Caldo en Lobios para que quen queira poida facer uso dela. Recoméndase levar chanclas e toalla.
CEA: casa do Aceite, en Lobios (20€, escollede bacallau ou carne no dudle). 
Tamén se chama Casa da Feira. Quen desexe ficar pola noite, que lle diga ao dono (Filipe) que é do grupo de sendeirismo Ébedo. Serán 60€ habitación dobre e almorzo incluído.


Cascata do Arado
VÍDEO DA CASCATA DO ARADO
Curral da Teixeira

15/01/19

RUTA POLO VAL DAS FORCADAS E A SERRA DE QUEIXA

SÁBADO 26 DE XANEIRO DE 2019
VER RUTA EN WIKILOC
ANÓTATE AQUÍ









Percorrido: 19,3 Kms.
Dificultade: Media-alta
Saída: Estación de Autobuses de Lalín
Hora: 7:30
Punto de encontro: Bar O Bodegón, Montederramo. Hora 8:45-9:00
Cea ás 20:30 no restaurante Alto do Couso. Menú: mexillóns ao vapor, empanada de bonito, pementos recheos, carne ao caldeiro, sobremesa, bebida e café. 15€

18/12/18

RUTA DO RÍO SEIXO EN CERDEDO

DOMINGO 23 DE DECEMBRO DE 2018
VER RUTA EN WIKILOC
ANÓTATE AQUÍ
Queremos despedir o ano cunha ruta pequena e fermosa que nos vai ocupar a mañá do domingo. Para iso iremos ata a localidade de Cerdedo (Pontevedra) e percorreremos o curso do río Seixo co seu bosque de galería, que aínda presume da súa vexetación autóctona e conta con numerosos elementos da arquitectura popular. muíños, pontellas, cruceiros, hórreos, petos de ánimas, capelas...
Percorrido: 16 Kms
Dificultade: media-baixa
Saída de Cerededo: 9:00 Horas
Regreso previsto a Cerdedo: 13:30-14:00
Non se programa xantar por non sumar máis comidas de grupo a un mes que está saturado delas. Haberá unha cervexa como colofón e despedida da xornada.
Saída de Lalín: Estación de autobuses
Hora de saída: 8:15
Punto de encontro: Mesón Carola. Cerdedo Hora: 8:45