ADVERTENCIA IMPORTANTE

Érbedo” é un grupo sendeirista non federado formado por amig@s que se xuntan libre e conscientemente para realizar rutas a pé. Polo tanto, ao non contar cun seguro colectivo, cada persoa que participa debe facerse responsábel da súa seguridade e de calquera contratempo ou accidente que poida acontecer. Por isto, recoméndase: 1.-Acudir ás rutas co equipamento adecuado. 2.-Contar cun seguro individual que cubra calquera continxencia non desexada.

23/09/19

RUTA POLOS BOSQUES MÁXICOS DE CASTRO CALDELAS

SÁBADO 5 DE OUTUBRO DE 2019
Invitámosvos a seguir o itinerario que realizou o club Acivro polos bosques autóctonos de Castro Caldelas. Deixamos aquí a ligazón onde describen detalladamente o itinerario e os puntos de interese e onde se poden ver as fermosas imaxes da súa reportaxe posterior á camiñata:

https://acivro.blogspot.com/2019/01/19-de-enero-de-2019-los-bosques-magicos.html

Pareceunos interesante e repleta de atractivos, entre os que citamos os seguintes:

- O fermoso burgo medieval de Castro Caldelas
- O mosteiro de San Paio de Abeleda
- Igrexas varias, entre as que destaca a do desaparecido mosteiro de San Xoán de Camba,
- Fervenzas, ríos, o curso do río Edo...
- Poldras, pontes, pontellas, muíños..
- Aldeas habitadas e abandonadas, a fermosa arquitectura popular
- Bosques con árbores centenarias, camiños de vello
- Etc.
 Fotografías tomadas das reportaxes de jesussimon, mazaira e manumkds.




















Datos da ruta:
 Son dous bucles que teñen como nodo de unión a vila de Castro Caldelas. O primeiro bucle ten 18 Kms. O segundo 6,3. Os que desexen facer só o primeiro bucle poden agardar ao pé dunha cervexa nunha cafetería da capital municipal.
Dificultade: media-baixa
Punto de encontro: cafetería Rubio na praza central de Castro Caldelas, onde  probaremos a bica (9:15 horas)
Cea no restaurante Roupeiro, A Derrasa (Ourense) ás 20:30 h. Menú: entrantes variados no centro (croquetas de castaña, queixo, xamón, pementos de padrón, langostinos...) 2º prato a elixir entre Entrecot de tenreira con gornición e ensalada ou lubina/pescada con ensalada. (Cómpre indicar ao anotarse a elección do segundo prato. Postre caseiro, viño mencía, bebidas, café e chupito. Prezo 18-20€

Saída: Estación de autobuses de Lalín 8:00 horas.

16/05/19

RUTA do EO-PENA MILLARES en RIBEIRA PIQUÍN co grupo SALTAPRAOS

SÁBADO 8 de XUÑO de 2019

VER RUTA EN WIKILOC (comprobada e subida a Wikiloc por Nilo)

ANÓTATE AQUÍ
Ruta polas beiras do río Eo, no Concello de Ribeira de Piquin (VÍDEO), moi ben situado entre Galiza e Asturias para facer a ruta-xuntanza anual Érbedo-Saltapraos.
Ruta Circular, con saída e chegada no Chao de Pousadorio.
Distancia: 21,5 km
Dificultade: media (ver perfil)
Duración aproximada: 7 horas
DESCRICIÓN: sairemos do Chao de Pousadoiro pola beira do río Eo cara á área recreativa d´ A Retorta. Logo teremos unha longa subida que nos levará ata o mirador de Pena Millares. Aí, se cadra ben, miraremos a paisaxe e xantaremos. Virá a continuación traxecto ata a aldea de Sadrarín, e pola aba da montaña iremos ata Bidueira. Seguiremos cunha baixada longa e, xa á beira do Eu, chegaremos de novo ata o Chao de Pousadoiro, onde cearemos as troitas e o año da tradicional Casa Horacio.
Paisaxe de ribeira do río EO. Colleremos a natureza no seu esplendor.
Aínda que a Ruta do Río EO-Pena Millares está moi ben indicada, todos sabemos que as perdas co Érbedo están máis que garantidas. Que sería de nós sen elas? Prepararse os da outra banda.
Saída de Lalín: 8:15
Punto de encontro: 10:00 Casa Horacio, no Chao do Pousadoiro (concello de Ribeira de Piquín). Chégase en 20 min. por estrada de montaña desde Meira.
Inicio da Ruta: 10:30.
Ao remate, haberá duchas para asearse na área recreativa de Chao de P.
CEA: Casa Horacio (Chao de Pousadoiro, Ribeira de Piquín): troitas, setas e mexillóns; año asado; sobremesa, café e viño, todo moi de fiar. PREZO: 22€.
Ollo: comedor limitado en espazo. Trala negociación de Nilo, podemos chegar a 40 persoas (e incluso ten outro comedorcico arriba). Pero anotarse canto antes á Romaría.
Quen desexe facer noite (antes ou despois da ruta) neste mesmo establecemento: Casa Horacio, tfno 982 33 36 85 (Prezo: 30€ habitación dobre; 35€ o apartamento con 3 dormitorios). 
AVISO: Estase preparando unha "Rutina" para os que queden o domingo 9.
    Fervenza da Pena dos Portelos

18/04/19

CONVOCATORIA DE RUTA NO CANÓN MEDIO DO RÍO LÓUZARA

SÁBADO 4 DE MAIO DE 2019
VER RUTA EN WIKILOC
ANÓTATE AQUÍ

Convocamos nesta ocasión a unha excelente ruta no Courel, arredor do curso medio do río Lóuzara. Un paraíso natural desta nosa terra galega. A orografía e a natureza maniféstanse nesta zona con verdadeira exuberancia e diversidade.
A ruta é un marabilloso tobogán, que nos levará ás terras poéticas enxalzadas por Fiz Vergara Vilariño e Uxío Novoneyra, percorrendo as ladeiras e o val, as aldeas de Santalla, Gamiz (aldea abandonada), Cortes e Parada. Fervenzas, alvarizas, muíños, covas, frondosos soutos, esveltos lamigueiros e os perfís da montaña courelá, sempre tan abruptos e decote atraentes. E no medio, encaixado e sucesivos meandros, o río Lóuzara coas súas  augas de inmaculada transparencia.
E de remate, esperamos cear na Casa de Aira Padrón, na mesma parroquia de Lóuzara.
CANÓN NO CURSO MEDIO DO RÍO LÓUZARA

ALDEA DE SANTALLA, berce do poeta Fiz Vergara Vilariño.
Cova da Fonte
Fervenza de Augadalte

GAMIZ (ALDEA ABANDONADA)



ALDEA DE PARADA (VÍDEO)






Fervenza preto de Parada


Sequeiro de Parada
COVA GRANDE DE SANTALLA (VÍDEO)
Na fin da ruta temos previsto adentrarnos no corazón desta terra, máis se cabe. Para iso, que mellor que visitar a Cova Grande de Santalla! Trescentos metros de galería nas entrañas calizas de Lóuzara para admirar estalagmitas e estalactitas. Non revisten perigo especial, pero hai unha zona na cova onde hai que ir agachados, case reptando. Como hai humidade e terra, sería moi útil un mono de pintor desbotable. Hainos nos chinos por 2 ou 3 euros. Tamén é imprescindible unha linterna, preferiblemente das que se levan na fronte.

Saída: Estación de Autobuses de Lalín
Hora: 7:30
Punto de encontro: O Incio, bar Paradís (fronte ao Concello). Hora 8:45

Percorrido da ruta: 20,2 Kms.
Dificultade: media alta

Cea: Casa de Aira Padrón. Menú: Troitas de Santalla, calamares, cordeiro asado en forno de leña con patacas e gornición, sobremesa a escoller entre varias opcións caseiras, bebida e café. Prezo: 20 € (con viño mecía embotellado, habería que engadirlle 2 € máis).