RUTA Á SERRA DA ENCIÑA DA LASTRA

SÁBADO 25 - NOVEMBRO - 2023

VER RUTA EN WIKILOC

Para este mes de novembro, co territorio anegado por mor das recentes chuvias, entendemos oportuno achegarnos a este pouco coñecido Parque Natural, a Serra da Enciña da Lastra. Aquí o chan é calizo e abundan as covas coas súas estalactitas e estalagmitas. Aquí chámanlles PALAS ás covas e seica habitan nelas importantes colonias de morcegos. A vexetación destaca pola abundancia de aciñeiras, sobreiras, érbedos e castiñeiros. E na época que lles é propia aparecen máis de dez especies de orquídeas.

Ademais, o Sil, outra vez, e dúas aldeas con encanto: Biobra e Covas. Quedarannos cousas interesantes por ver, pero as pernas non dan para tanto. Quedan os Penedos de Oulego e Oulego, queda Pardollán e as ruínas da súa ermida... Para outra ocasión.

https://www.turismo.gal/que-visitar/espazos-naturais/parques-naturais/serra-da-encina-da-lastra?langId=es_ES

https://patrimonionatural.xunta.gal/es/serra-encina-lastra

https://www.youtube.com/watch?v=QbZCEGhM3Gk

O certo é que esta zona quédanos lonxe a todos, pero merece a pena. 

Covas, a carón do encoro de Penarrubia, sobre o Sil.

DATOS DA RUTA:

Percorrido: 18,7 Kms     Tamén ofrecemos unha opción abreviada de 13 Kms (11,5 pola mañá e 1,5 para despois do xantar).

Pendente media positiva: +8,1%

Pendente media negativa: -9,2%

Desnivel positivo acumulado: +904 m

Desnivel negativo acumulado: -904 m

Pena Falcoeira

As árbores no outono da serra da Enciña da Lastra.

Saída de Lalín: Estación de autobuses

Hora: 7:30

Punto de encontro: Cantina La Escuela, en Vilardesilva (Rubiá). Tamén tomaremos alí as cervexas cuns pinchos.  Hora: 9:15-9:30

PARADA DO SIL - MOSTEIRO DE SANTA CRISTINA E MIRADORES

 SÁBADO 21 DE OUTUBRO DE 2023

VER RUTA EN WIKILOC

Balcóns de Madrid

Convocamos para esta excelente ruta na Ribeira Sacra de Ourense no concello de Parada do Sil. O mosteiro de Santa Cristina, o canón do Sil e os espectaculares miradores  sobre o canón son os principais atractivos. A eles súmanse as aldeas de Castro, Chamoso, Entrambos ríos e a vila de Parada do Sil. Para chegar a eles haberá que percorrer quilómetros de corredoiras e carreiros por fragas e cavorcos empinados.

DATOS DA RUTA:

Percorrido: 18,2 Km

Pendente media en subida: +10,6 %

Pendente media en Baixada: -9,4 %

Desnivel postivo acumulado: 1052 m

Desnivel negativo acumulado -1052 m

Saída de Lalín: Estación de Autobuses

Hora: 7:30

Punto de Encontro en Parada de Sil (concretaremos o bar). A repostaxe da tarde tamén a faremos en Parada de Sil.

Foxo do lobo

Canón do Sil

Corredoiras de vello

Mosteiro de Santa Cristina

Mirador da Pena da Cividá.

RUTAS NOS ANCARES E EN BECERREÁ

SÁBADO 5 DE AGOSTO DE 2023

VER RUTA EN WIKILOC

Pico Cuíña

SÁBADO 5 DE AGOSTO

RUTA DOS CUMIOS DE ANCARES

VER RUTA EN WIKILOC

Datos da ruta:

Percorrido:12,7 km

Pendente media en subida: 16,9%    Pendente media en baixada: -16,1%

Desnivel acumulado en subida: 818 m   Desnivel acumulado en baixada: -1354 m

PUNTO DE ENCONTRO: Bar Vilela de Becerreá  (Rúa Carlos III, 42)             9:00 horas. (Neste bar poderemos tomar café ou almorzo completo).

É xa unha longa tradición en Érbedo Andainas acudir aos Ancares no verán, desde que no ano 2009 nos levaran os irmáns Pepe e Manuel, de Becerreá, a aqueles míticos e fermosos cumios.

Nesta ocasión partiremos do Porto de Ancares e repetiremos a ascensión aos cumios do Cuíña (o teito dos Ancares), o Penalonga e quizais o Mustallar. Desde alí retornaremos en permanente descenso a Piornedo. 

Ao chegar a Piornedo, os condutores terán que ir buscar os coches que quedaran no Porto de Ancares. E tamén aproveitaremos para visitar a aldea prerromana e a palloza museo.

Seguidamente retornaremos para ir cear á Tumbiadoira, previo paso por Navia de Suarna. Se houbese tempo visitariamos a Pobra de Navia de Suarna co seu castelo, a ponte medieval e o malecón a carón do río.

Cea: no restaurante A Roxoa da Tumbiadoira.  Menú: Troitas, pementos recheos, medallóns de queixo, polo caseiro con gornición, postres, viño do Bierzo, café. Prezo: 29 €. A cea está prevista para as 20:30 ou 21:00 horas.

Pernocta: Pensión Ancares de Becerreá. O check in poderemos facelo por whatsapp, con envío do DNI. O pagamento farémolo in situ o domingo pola mañá.

Penalonga e Mustallar

Piornedo

Aldea prerromana de Piornedo 

Navia de Suarna

DOMINGO 6 DE AGOSTO

Almorzo: Bar Vilela  9:15 h

RUTA DOS GROBOS, SOUTO DE AGÜEIRA E ACIÑEIRAL DE CRUZUL

VER RUTA EN WIKILOC

DATOS DA RUTA:

Percorrido: 10,44 km

Pendente media subida: 12,3%  Pendente media baixada: -11,2%

Desnivel postivo en subida: 642 m  Desnivel acumulado en baixada -642m

Despois de almorzar faremos unha ruta pola mañá, percorrendo os Grobos, o souto de Agüeira e o aciñeiral de Cruzul.

Xantaremos na Fonte da Salud sobre as 14:00 horas. O menú será o do día, onde nos ofertarán cinco primeiros pratos e cinco segundos, nos que sempre se inclúen pratos de culler, churrasco, outra carne ou peixe. Postre, bebida e café. Con viño da casa, o prezo sería de 14 €.

RUTA PASEO RÍO SARELA - MONTE PEDROSO - SELVA NEGRA

SÁBADO,  1 - XULLO - 2023

VER RUTA EN WIKILOC

Nesta ocasión faremos unha ruta periurbana arredor da cidade de Santiago. Ten moitos elementos de interese, ademais de contar cun agradable paseo a carón do sarela e polos bosques da Selva Negra. As vistas de Santiago desde a cima do Pedroso compensan o esforzo da moderada pendente.

DATOS DA RUTA:

Percorrido: 17 Km

Pendente media: +5,1%  e -5,7%

Desnivel acumulado: En subida 556 m / en baixada 556 m

Paseo río Sarela

RÍO SARELA

Paseo río Sarela

Paseo río Sarela

Paseo río Sarela

Vista panorámica de Santiago desde o monte Pedroso

MONTE PEDROSO

Camiño no monte Pedroso

Parque da Selva Negra

A SELVA NEGRA

Saída de Lalín: 8:30 h

Punto de encontro:  Nave de Vidán  ás 9:30

Cervexas e pinchos tamén na Nave de Vidán (sobre as 17:30 -18:00 h)

RUTA PEREIRA (RODEIRO) ATA A FEIRA DA GOUXA (D0ZÓN)

DOMINGO 11 DE XUÑO DE 2023

VER RUTA EN WIKILOC

Aquí si que valen todas as opcións: - Vou á ruta e ao xantar

                                                             - Vou só á ruta

                                                             - Vou só a xantar

O obxectivo da ruta é percorrer os 12 Kms que hai desde Pereira (Rodeiro) ata a feira da Gouxa (Dozón). Esta feira é unha verdadeira reliquia gastronómica, reminiscencia do que foron sempre os xantares na feira. Ademais caracterízase pola enorme afluencia de xente desde variados puntos da contorna e pola calidade do pulpo e da carne ao caldeiro.

Comeremos no barracón do Lugués. O menú consistirá en pulpo (polbo), e carne a escoller entre (carne ao caldeiro/ costeleta/ richada), sobremesa, bebida e café e chupitos. Prezo 24 €   Hora do xantar: 14:00 horas 

 Tamén se pode acudir ao xantar con máis persoas da familia. Para camiñar, só os socios ou camiñantes ocasionais debidamente asegurados. 

DATOS DA RUTA:

PERCORRIDO: 12 Km

PENDENTES MEDIAS: +4,95     -4,4%  (é dicir, faciliña).

DESNIVEL ACUMULADO  + 309 m       -311 m

Aínda quedan algúns tradicionais pendellos da feira.

Saída de Lalín. Estación de autobuses. Hora: 8:45

Punto de encontro: Bar Os Cabaleiros do Faro. Rodeiro. Hora: 9:00

RUTA MINA DAS SOMBRAS - MINA DOS CARRÍS - PICO NEVOSA. XURÉS - GERÊS

 SÁBADO 13 DE MAIO DE 2023

VER RUTA EN WIKILOC  (A ruta abreviada é a mesma ruta que esta ata a fronteira con Portugal. E desde alí, desandar o andado).

Pico Nevosa, 1546 m

Xa van alá dez anos desde que fixemos unha parte desta ruta, concreta o tramo que vai desde a ermida do Xurés ata a Mina das Sombras. Nesta ocasión ímoslle engadir a Mina dos Carrís e o Pico Nevosa. Unha extraordinaria ruta de montaña no parque Xurés - Gerês. Que máis se pode pedir!

Podería dicir que os puntos de interese son os que aparecen nas imaxes. Pero, o verdadeiramente interesante é percorrelo, sentirse envolto pola montaña coas súas caprichosas formacións graníticas. E admirar as augas frías e limpas da altura...

Mina dos Carrís

DATOS TÉCNICOS DA RUTA LONGA
Percorrido: 21,2 Kms 

Pendentes medias 10,5% e -10,6%

Desnivel acumulado 1250 m e -1250 m

RUTA ABREVIADA

Percorrido: 15,9 Kms

Pendentes medias: 9,5% e -9,6%

Desbivel acumulado: +842 e -842

Mina dos Carrís

Saída de Lalín. Estación de autobuses

Hora: 7,45 

Punto de encontro: Lobios, 9:15 horas (probablemente sexa no Lusitano)

Mina dos Carrís

MINA DOS CARRÍS

Mina dos Carrís

Mina das Sombras

Val das Sombras

Val das Sombras

Ermida do Xurés

RUTA CALDAS DE REIS E FERVENZAS DE SEGADE E DA BAROSA

 SÁBADO 11 DE MARZO DE 2023

VER RUTA EN WIKILOC

Propoñemos unha nova andaina nas terras de Caldas de Reis e os seus ríos coas fermosas fervenzas de Segade e oa dos muíños da Barosa. Dezasete quilómetros e medio de paisaxe, arquitectura popular (pontes, pontellas, presas, muíños, igrexas, cruceiros...) e un fragmento do Camiño Portugués, das rutas xacobeas. E a fermosa vila de Caldas coas súa burga, o seu balneario, a carballeira e o parque onda o río.

DATOS TÉCNICOS DA RUTA

Percorrido: 17,5 Kms

Pendente media en subida 4,5%  

Pendente media en baixada -4,6%

Desnivel acumulado subindo +460 m

Desnivel acumulado baixando -460 m

Lugar de saída de Lalín: Estación de autobuses

Hora: 8:15

Punto de encontro: Bar Timonel (Caldas de Reis), onda o Concello. Hora: 9:15 - 9:30  

As cervexas e pinchos da tarde serán tamén neste bar.

Os amigos de Caldas propóñennos que aparquemos os coches no aparcadoiro gratuíto da Tafona (a 200 m do bar Timonel. Indicamos a súa SITUACIÓN

Se chovese, teriamos que aprazala.