ADVERTENCIA IMPORTANTE

Érbedo” é un grupo sendeirista non federado formado por amig@s que se xuntan libre e conscientemente para realizar rutas a pé. Polo tanto, ao non contar cun seguro colectivo, cada persoa que participa debe facerse responsábel da súa seguridade e de calquera contratempo ou accidente que poida acontecer. Por isto, recoméndase: 1.-Acudir ás rutas co equipamento adecuado. 2.-Contar cun seguro individual que cubra calquera continxencia non desexada.

19/01/17

RUTA DAS SETE ALDEAS RIBEIREÑAS DO RÍO VIÑAS (O IRIXO)

SÁBADO 11 DE FEBREIRO DE 2017
VER RUTA EN WIKILOC 
ANÓTATE AQUÍ 


O concello de O Irixo estivo tristemente de actualidade hai cinco anos cando alguén tivo a pretensión de chantarlle á beira dos montes da Madanela unha incineradora de lixo. As protestas cidadás e outras circunstancias fixeron recuar aos promotores. Agora, o grande mal que padece este concello é a despoboación e o abandono. Como escenario desta realidade quedan as aldeas, as cales contan cunha arquitectura destacable arruinada ou arruinándose e a grandiosidade dos bosques e das montañas. No Testeiro e nas súas abas norte e leste aséntanse Froufe e A Espiñeira. A nosa ruta percorrerá estas parroquias cos seus bosques autóctonos, as ribeiras do río Viñas e o rego de Munín, as aldeas de Froufe, O Alén (abandonada), Subirol, Munín, O Covelo, Frixe e Surribas. Corredoiras antigas, camiños carreteiros, pistas forestais, carreiros, sendas silvestres e algo de campo través permitirannos gozar destes 11 quilómetros.
Esperamos que sexa un estupendo aperitivo para, a continuación, poder degustar o típico cocido da zona.
Saída: Estación de autobuses de Lalín
Hora: 8:45
Punto de encontro: Restaurante-cafetería La Robleda de Vilatuxe: 9:00 h.
Percorrido da ruta: 10,64 Kms.
Dificultade: media.
XANTAR: 14:30 horas no restaurante "A Estación" de Botos (Lalín). Menú: sopa de cocido, cocido con todas as carnes do porco, xarrete de tenreira, grelos e repolo, viño Ribeiro, postres, café. Prezo: 25 €

Todas estas imaxes están tomadas en rutas de cercanías feitas pola sección Érbedo-Deza e varias corresponden ás dúas sesións preparatorias desta mesma ruta.



















01/01/17

RUTA SAN FIZ - PONTE DE PORTOTIDE (CHANTADA) NA RIBEIRA SACRA DO MIÑO

MÉRCORES, 4 DE XANEIRO DE 2017
VER RUTA EN WIKILOC
ANÓTATE AQUÍ
Ribeira de Chantada e ponte de Belesar
Pintoresca aldea de ribeira: Pincelo
Adega Vía Romana
Castro de San Fiz, baixo unha mesta carballeira.
 Igrexa de San Fiz, onde está enterrado o último maquis, Xosé Castro Veiga, O Piloto.

Ruta da Ribeira Sacra de Chantada entre San Fiz de Asma e a ponte de Portotide para facer na mañá do mércores 4 de xaneiro de 2017.
9:00: Saída de Lalín (Estación de autobuses).
Punto de encontro: 9:30 diante do Cemiterio de Chantada (na saída da estrada de Monforte)
Distancia: 11 km
Dificultade: doada-media (moita baixadiña, escasa subidas).
Sempre ao lado do río Miño. Se vai sol, collerémolo de mañá, pero tamén pode haber néboa e tardar en marchar.
Percorrido: vai desde San Fiz (Igrexa de San Fiz de Asma e tumba do Piloto), pasa por Adegas Amoedo, chega a Adegas Vía Romana e Mesón do Veiga (na Hermida), baixa a Belesar, e logo imos pola beira do río ata o lugar de Pincelo e chegamos á ponte de Portotide.

Para xantar (os que se apunten), hai 2 posibilidades:
1ª: Pincelo, na casa de Esther (Adega Diego de Lemos), pero creo que está algo vella e non sei se agora dá comidas (en todo caso, se hai xente interesada, chamarei).
2ª: Mesón-Adega do Veiga (ao lado da adega Vía Romana), a máis lóxica se falla a outra.
Conviña saber quen vai e quen fica a xantar antes do martes a mediodía, para concretar.
Non é circular, polo que teremos que levar previamente os coches a Portotide. Dependerá, pois, dos que se anoten.