RUTA DEVA - CAMPA DE BREGO - PENARRUBIA (ANCARES)

SÁBADO 7 DE DECEMBRO DE 2019
VER RUTA EN WIKILOC  (Seguiremos o itinerario realizado polo grupo Trota-Montes)
ANÓTATE AQUÍ

Percorrido: 19,7 Kms. (Existe tamén a opción de non facer todo o percorrido).

Pendente media: + 10,9  e -11,3

Dificultade: media-alta

Temos que empezar a camiñar cedo porque nestas datas as tardes son curtas e non cómpre meterse na noite. Verémonos para almorzar no BAR STOP de Becerreá, ás 8:00 horas. Desde alí partiremos xuntos para chegar a Deva (50 minutos leva o traxecto).

Os seis camiñantes de Lalín hospedarémonos na noite do venres na Pensión Os Ancares de Becerreá.

A cea está acordada na Fonda Zarralleiro de Baralla, aproximadamente para as 20:00. 

Menú: Callos, Polo caseiro con gornición, Flan e tarta de queixo, bebida, café. Prezo: 20 €

Deva

           Lagoa

RUTA POLOS BOSQUES MÁXICOS DE CASTRO CALDELAS

SÁBADO 5 DE OUTUBRO DE 2019

VER RUTA EN WIKILOC

ANÓTATE AQUÍ

Invitámosvos a seguir o itinerario que realizou o club Acivro polos bosques autóctonos de Castro Caldelas. Deixamos aquí a ligazón onde describen detalladamente o itinerario e os puntos de interese e onde se poden ver as fermosas imaxes da súa reportaxe posterior á camiñata:

https://acivro.blogspot.com/2019/01/19-de-enero-de-2019-los-bosques-magicos.html

Pareceunos interesante e repleta de atractivos, entre os que citamos os seguintes:

- O fermoso burgo medieval de Castro Caldelas
- O mosteiro de San Paio de Abeleda
- Igrexas varias, entre as que destaca a do desaparecido mosteiro de San Xoán de Camba,
- Fervenzas, ríos, o curso do río Edo...
- Poldras, pontes, pontellas, muíños..
- Aldeas habitadas e abandonadas, a fermosa arquitectura popular
- Bosques con árbores centenarias, camiños de vello
- Etc.

 Fotografías tomadas das reportaxes de jesussimon, mazaira e manumkds.

Datos da ruta:
 Son dous bucles que teñen como nodo de unión a vila de Castro Caldelas. O primeiro bucle ten 18 Kms. O segundo 6,3. Os que desexen facer só o primeiro bucle poden agardar ao pé dunha cervexa nunha cafetería da capital municipal.
Dificultade: media-baixa
Punto de encontro: cafetería Rubio na praza central de Castro Caldelas, onde  probaremos a bica (9:15 horas)
Cea no restaurante Roupeiro, A Derrasa (Ourense) ás 20:30 h. Menú: entrantes variados no centro (croquetas de castaña, queixo, xamón, pementos de padrón, langostinos...) 2º prato a elixir entre Entrecot de tenreira con gornición e ensalada ou lubina/pescada con ensalada. (Cómpre indicar ao anotarse a elección do segundo prato. Postre caseiro, viño mencía, bebidas, café e chupito. Prezo 18-20€

Saída: Estación de autobuses de Lalín 8:00 horas.

RUTA NOCTURNA AMARANTE - MONTE FARELO

VENRES 30 DE AGOSTO DE 2019
VER RUTA EN WIKILOC
ANÓTATE AQUÍ

Puntos de interese:
- Fortaleza de Castro de Amarante

- Igrexa de San Martiño
- A Torrevella e a Torrenova
- O cumio do Farelo (con amplas vistas panorámicas).
- Aldea abandonada de San Tomé
- Aldea de Bellós
- Meca da arte rupestre galega
- Petroglifos de Bellós

RUTA do EO-PENA MILLARES en RIBEIRA PIQUÍN co grupo SALTAPRAOS

SÁBADO 8 de XUÑO de 2019

VER RUTA EN WIKILOC (comprobada e subida a Wikiloc por Nilo)

ANÓTATE AQUÍ

Ruta polas beiras do río Eo, no Concello de Ribeira de Piquin (VÍDEO), moi ben situado entre Galiza e Asturias para facer a ruta-xuntanza anual Érbedo-Saltapraos.

Ruta Circular, con saída e chegada no Chao de Pousadorio.

Distancia: 21,5 km
Dificultade: media (ver perfil)
Duración aproximada: 7 horas

DESCRICIÓN: sairemos do Chao de Pousadoiro pola beira do río Eo cara á área recreativa d´ A Retorta. Logo teremos unha longa subida que nos levará ata o mirador de Pena Millares. Aí, se cadra ben, miraremos a paisaxe e xantaremos. Virá a continuación traxecto ata a aldea de Sadrarín, e pola aba da montaña iremos ata Bidueira. Seguiremos cunha baixada longa e, xa á beira do Eu, chegaremos de novo ata o Chao de Pousadoiro, onde cearemos as troitas e o año da tradicional Casa Horacio.

Paisaxe de ribeira do río EO. Colleremos a natureza no seu esplendor.

Aínda que a Ruta do Río EO-Pena Millares está moi ben indicada, todos sabemos que as perdas co Érbedo están máis que garantidas. Que sería de nós sen elas? Prepararse os da outra banda.

Saída de Lalín: 8:15
Punto de encontro: 10:00 Casa Horacio, no Chao do Pousadoiro (concello de Ribeira de Piquín). Chégase en 20 min. por estrada de montaña desde Meira.
Inicio da Ruta: 10:30.
Ao remate, haberá duchas para asearse na área recreativa de Chao de P.

CEA: Casa Horacio (Chao de Pousadoiro, Ribeira de Piquín): troitas, setas e mexillóns; año asado; sobremesa, café e viño, todo moi de fiar. PREZO: 22€.
Ollo: comedor limitado en espazo. Trala negociación de Nilo, podemos chegar a 40 persoas (e incluso ten outro comedorcico arriba). Pero anotarse canto antes á Romaría.
Quen desexe facer noite (antes ou despois da ruta) neste mesmo establecemento: Casa Horacio, tfno 982 33 36 85 (Prezo: 30€ habitación dobre; 35€ o apartamento con 3 dormitorios). 
AVISO: Estase preparando unha "Rutina" para os que queden o domingo 9.

    Fervenza da Pena dos Portelos