VER RUTA EN WIKILOC
ANÓTATE AQUÍ
A ruta é un marabilloso tobogán, que nos levará ás terras poéticas enxalzadas por Fiz Vergara Vilariño e Uxío Novoneyra, percorrendo as ladeiras e o val, as aldeas de Santalla, Gamiz (aldea abandonada), Cortes e Parada. Fervenzas, alvarizas, muíños, covas, frondosos soutos, esveltos lamigueiros e os perfís da montaña courelá, sempre tan abruptos e decote atraentes. E no medio, encaixado e sucesivos meandros, o río Lóuzara coas súas augas de inmaculada transparencia.
E de remate, esperamos cear na Casa de Aira Padrón, na mesma parroquia de Lóuzara.
ALDEA DE SANTALLA, berce do poeta Fiz Vergara Vilariño.
Cova da Fonte
GAMIZ (ALDEA ABANDONADA)
ALDEA DE PARADA (VÍDEO)
Fervenza preto de Parada
COVA GRANDE DE SANTALLA (VÍDEO)
Na fin da ruta temos previsto adentrarnos no corazón desta terra, máis se cabe. Para iso, que mellor que visitar a Cova Grande de Santalla! Trescentos metros de galería nas entrañas calizas de Lóuzara para admirar estalagmitas e estalactitas. Non revisten perigo especial, pero hai unha zona na cova onde hai que ir agachados, case reptando. Como hai humidade e terra, sería moi útil un mono de pintor desbotable. Hainos nos chinos por 2 ou 3 euros. Tamén é imprescindible unha linterna, preferiblemente das que se levan na fronte.
Saída: Estación de Autobuses de Lalín
Hora: 7:30
Punto de encontro: O Incio, bar Paradís (fronte ao Concello). Hora 8:45
Percorrido da ruta: 20,2 Kms.
Dificultade: media alta
Cea: Casa de Aira Padrón. Menú: Troitas de Santalla, calamares, cordeiro asado en forno de leña con patacas e gornición, sobremesa a escoller entre varias opcións caseiras, bebida e café. Prezo: 20 € (con viño mecía embotellado, habería que engadirlle 2 € máis).
