RUTA DOS VIÑEDOS DE BELESAR, NA RIBEIRA SACRA

 SÁBADO 15 DE OUTUBRO DE 2022

VER RUTA EN WIKILOC

Belesar, nas ribeiras do Miño

As poucas casiñas de Belesar emerxen do lenzo verde da natureza como atraídas pola auga que corre aos seus pés. Casas de cachotería de granito e lousa que buscan o constante coloquio do Miño. A forte pendente que se abre detrás da aldea levaranos polas beiras para admirar unha das mellores paisaxes da Ribeira Sacra. En Belesar non hai que dicir que hai unha tranquilidade case tan profunda como o propio Miño. Atrás quedaron aqueles primeiros anos do século XX, cando a vila foi arrasada polo encoro do mesmo nome. Hoxe son moitos os que veñen aquí de fin de semana, de turismo rural, sobre todo coa chegada do bo tempo e da primavera, ou cando florece o outono, para degustar os primeiros viños da zona. Belesar é famosa pola súa Ruta dos Cóbados de Belesar, unha antiga calzada romana que unía Astorga con Portugal durante os séculos I ao IV. O nome de cóbados provén da súa pronunciada pendente e das pronunciadas curvas que presenta. 

O cromatismo do outono nos viñedos

Camiño polo souto, preto de Belesar

Adegas e viñedos na ribeira de Chantada en Belesar

Pazo dos bispos en Diomondi, agora albergue de peregrinos

A igrexa de San Paio de Diomondi formaba parte dun antigo mosteiro beneditino. Esta igrexa é un dos principais exemplos do esplendor do románico compostelán. Atópase no concello do Saviñao, no corazón da Ribeira Sacra do Miño.  

O palacio de Diomondi está pegado ao lado norte da Igrexa. Foi construído nos séculos XIII e XIV. Foi utilizado como residencia episcopal e como prisión. Antigamente foi a residencia de verán do bispo de Lugo. É de gran interese xa que é un dos poucos exemplos de arquitectura civil medieval en Galicia. A súa fachada foi restaurada en 2016.

Igrexa e pazo de Diomondi, locen recentemente restaurados

Vista aérea do impresionante conxunto de Diomondi

Fachada de Santo Estevo de Ribas de Miño

Historia do mosteiro de Santo Estevo de Ribas de Miño

No final desta páxina podedes ollar o interior, o esterior e varios elementos da igrexa en vista 360º

Panorámica da fermosa igrexa de Santo Estevo de Ribas de Miño.

Xantaremos no entorno da presa do encoro de Belesar

Percorrido da ruta: 19 Kms.

Pendente media de subida 10%

Pendente media de baixada -9,7%

Dificultade: media 

Saída de Lalín: Estación de autobuses

Hora: 8:30

Punto de encontro: Bar do Club Fluvial de Belesar, ás 9:30 horas. 

Cervexas e pinchos no propio Bar do Club Fluvial de Belesar

RUTA CIRCULAR DE COLES

 SÁBADO 10 DE SETEMBRO DE 2022

VER RUTA EN WIKILOC

Trátase dunha fermosa e variada ruta de ríos e fragas que discorre polo concello ourensán de Coles, na que teremos a oportunidade de contemplar unha gran variedade de elementos no seu percorrido, entre os que destacan os seguintes:

-Os magníficos bosques autóctonos que atesoura a zona, principalmente carballos, que nos acompañarán en boa parte do percorrido.

-Interesantes elementos etnográficos, entre os que destaca o conxunto de muíños do rego Lusín, nun entorno natural fermoso e moi tranquilo.

-O atractivo entorno do río Miño, á altura do encoro de Velle, que percorreremos dende a senda ambiental de Ribela ata a aldea de Barra de Miño.

-Numerosas aldeas da zona con cruceiros de pedra, igrexas e outros elementos, como Lavandeira, Meriz, Outeiro de Ribela, Casanova de Melias, Levices, Belesar, Sobrado, Mira do Río, Barra de Miño, O Fontaíño, Quintás, Mira de Cima. e Figueiredo .

Distancia: 21,7 km

Pendente media subindo 6,6% . Pendente media baixando -6,0%

Duración: 6 horas

Dificultade: media

Nota: este é o percorrido oficial do Concello de Coles. A saída é na capital de Coles: Vilarchao. Requírese GPS debido a fallos de sinalización e porque nalgúns puntos non hai sinais. Ruta variada e fermosa sen dificultades.

Saída de Lalín: Estación de autobuses

Hora: 8:30

Punto de encontro: (fixarémolo nos vindeiros días). Hora: 9:15 - 9:30

FIN DE SEMANA EN ASTURIAS (RUTAS NO PARQUE NATURAL DE SOMIEDO)

 VENRES 29 DE XULLO DE 2022

- Viaxe ata Villablino. 

- 22:00 HORAS. Cea no restaurante EL ROZO (Menú 18 €, con máis de doce pratos a escoller).Calle de la Brañina, 20, 24100 Villablino, León

- Pernocta no hotel LA BRAÑINA  (28 € /persoa/noite - inclúe o almorzo). Calle de la Brañina, 20, 24100 Villablino, León

SÁBADO 30 DE XULLO DE 2022

- Almorzo en bufet no hotel La Brañina

- 10:00 Ruta desde o Alto da Farrapona ata Picos Albos cos tres lagos de Somiedo. 12,32 Kms 

VER EN WIKILOC

-Xantar de bocadillo na montaña.

- Cea en restaurante de Pola de Somiedo (xestionado polo club de Xixón).

-Pernocta no hotel La Brañina.

DOMINGO 31 DE XULLO DE 2022

-Almorzo en bufet no hotel La Brañina.

- Recollida de equipaxes para deixar o hotel.

- 9:30 horas ruta Valle del Lago, 12,65 Kms. (Cunha pendente media moi inferior á do día anterior)

VER RUTA EN WIKILOC

- Xantar nun restaurante, xa no camiño de regreso (Estamos a buscar restaurante).

- Retorno a Galicia.

RUTA AO MONTE PINDO

 SÁBADO  25 DE XUÑO DE 2022

VER RUTA EN WIKILOC

Esta ruta combina a media montaña coa zona do litoral atlántico. Iníciase na localidade de Caldebarcos (Carnota) e ascende ao pico da Moa, a cota máxima do Pindo. O monte Pindo é un monte mitolóxico de longa historia e é coñecido como o Olimpo Galego. Descenderemos á aldea de Quilmas e desde alí bordearemos durante 6 kms a costa ata a praia de Caldebarcos.

Elementos de interese:

O monte Pindo

As inmensas panorámicas atlánticas e sobre a contorna.

As formacións graníticas

As ruínas de murallas e castelos

A praia de Caldebarcos e Carnota

Percorrido: 17,4 Kms

Dificultade: media-alta

Pendente media no ascenso: 8,6 %

Pendente media de descenso: -8,7 %

Saída de Lalín: Estación de autobuses

Hora: 7:30

Punto de encontro: 9:15 horas Lugar: (determinarémolo nestes días)

RUTA DOS SOCALCOS DE SISTELO E DOS PASADIÇOS DO VEZ

SÁBADO 21 DE MAIO DE 2022

VER RUTA EN WIKILOC

Compañeiros camiñantes, desta volta iremos coñecer os famosos socalcos de Sistelo (os portugueses quixeron chamarlle o Pequeno Tibete) e os refrescantes pasadiços a carón do río Vez. Son 19,8 kms (se non hai perdas). A dificultade está entre media-alta e alta, depende de se a pedra do chan está seca ou mollada, porque moitos tramos de camiño son empedrados e hai bastantes escaleiras. A pendente positiva é de 9,4% e a negativa -10,6 (empinadiña).

Os atractivos da ruta son os paisaxísticos, esta paisaxe tan antropixada, onde as ladeiras foron transformadas en escaleiras xigantescas de socalcos, os valados, os camiños empedrados, as escaleiras... A arquitectura popular, a natureza que bordea o vez, o patrimonio histórico-artístico de Sistelo coa igrexa e o castelo do Visconde, as brandas onde levaban o gando no verán, etc.

 

Saída de Lalín: Estación de autobuses

Hora: 7:45

Punto de encontro: (determinarémolo nos vindeiros días).

Cervexas e petiscos (tamén o concretaremos)

Os que desexen pernoctar en Arcos de Valdevez, que saiban que Castor Corral está organizando a cea e a hospedaxe no hotel Costa do Vez, en Arcos de Valdevez. El informará a través do whatsapp dos detalles da pernocta.

RUTA SAMOS - SERRA DO ÉDRAMO

SÁBADO 30 DE ABRIL DE 2022

VER RUTA EN WIKILOC

Esta ruta parte da praza do Concello de Samos, fronte ao mosteiro, sobe pola ladeira ata o cumio da Serra do Édramo, onde encontra o castro de Formigueiros. Continúa polo mirador de Penabranca, baixa ao Val do Mao, pasa por Freixo, baixa por Vilar do Real ata San Martiño e desde aquí segue durante 2 kms o Camiño Francés de Santiago ata chegar novamente a Samos.

Puntos de interese: Mosteiro e vila de Samos - Aldeas de  Val do Mao - Freixo - Vilar do Real  - San Martiño coa súa igrexa románica - Núcleo turístico de Outeiro - muralla de clausura do mosteiro - Castro de Formigueiros - Mámoas do Édramo - Mirador de Penabranca, etc.

A ruta da Serra do Édramo en Samos é de 20,5 Kms.  Pendente postiva 7,75%  e pendente negativa -7,2 %

Iso supón unha dificultade media   ou media-alta.

Lugar de saída: Estación de autobuses de Lalín

Hora: 8:00

Punto de encontro : Samos (determinaremos o local) ás 9:15-9:30

Pinchos e cervexas despois da ruta: Tamén en Samos, nunha terraza.

Anotádevos no Telegram. E os que non o instalastes aínda, en Whatsapp.

AVANCE DE PROGRAMACIÓN DO CLUB:

Para o 21 de maio programamos ir a Sistelo (Arcos de Valdevez- Portugal). 19 Kms

Para o 18 de xuño pensamos en ir ao monte Pindo desde Caldebarcos (Carnota-ACoruña) 19 Kms

En xullo, sen termos aínda os días concretados, pretendermos xuntarnos co club Asaltapraos en Somiedo (Asturias).

En agosto, sen día especificado, planificamos percorrer a ruta do Ferradal en Quiroga, paralela ao río Soldón.

RUTA DA FRAGA DO BARRAGÁN

 SÁBADO 12 DE MARZO DE 2022

VER RUTA EN WIKILOC

Convocamos nesta ocasión aos camiñantes para percorrer os 17,3 Kms dunha preciosa ruta nos concellos de Pazos de Borbén e Fornelos de Montes, polas ribeiras do río Barragán. Unha ruta que é  frecuentada pola maioría dos clubs de sendeirismo de Galicia. A ruta, de dificultade media, está moi ben sinalizada e ademais dos atractivos paisaxísticos fluviais, une un rico repertorio de elementos etnográficos e de arquitectura popular.

Nas seguintes ligazóns tedes toda a información e fotografías que dan unha idea clara do que alí podemos encontrar:

TURISMO.GAL

QUEVERENGALICIA.COM

GALICIAMAXICA.EU

Saída de Lalín: Estación de autobuses

Hora: 7:45

Punto de encontro:

OBSERVACIÓN: Se o tempo non fose favorable, quedaría aprazada para o sábado 19 de marzo.

Estamos buscando un punto de encontro. Informaremos axiña.

RUTA AO COUTO MIXTO

 SÁBADO 12 - FEBREIRO - 2022

VER RUTA EN WIKILOC

VER RUTA EN WIKILOC (Inclúe o castelo da Picoña)

ANÓTATE AQUÍ

Aldeas do Couto Mixto

O Camiño Privilexiado

Esta ruta de 20 Kms ten dificultade media-baixa, cunha pendente media non superior ao 4%. Iso si, camiñaremos a unha altitude media próxima aos 900 m sobre o nivel do mar. Se toca frío, aquí soe habelo. Pero camiñando, logo un quece.

Lugar de saída de Lalín: Estación de autobuses

Hora: 8:00

Punto de encontro: 9:15 horas. Restaurante O Cepo. Baltar (Ourense). Aquí tomaremos o café con biscoito pola mañá. E tamén as cervexas e os pinchos da tarde.

https://goo.gl/maps/wmxFas3agS3i7Yb88

Xantaremos en Tourém, aldea de Portugal. Aquí hai dous bares para consumir bebida. A comida levámola en bocadillos.

A ruta queda convocada para o día 12, se non chove. En caso de chuvia aprazámola para a semana seguinte.

Neste promontorio de rochas estivo o castelo da Picoña

O último xuíz do Couto Mixto, Delfín Modesto Brandón

A Porta de Calvos de Randín no parque do Xurés

Santiago de Rubiás e Meaus ao fondo.

O Banco de Meaus

Meaus

O máis importante do Couto Mixto queda recollido no seguinte vídeo:

RUTA POR BEARIZ - MURADÁS- ALVITE - ALÉN - CORREA - DOADE E A BOUZA

SÁBADO 15 DE XANEIRO DE 2022

VER RUTA EN WIKILOC

ANÓTATE AQUÍ

Muíño da Caldeira en Doade

Cruceiro de Xirarga, do mestre Cerviño

Cremos que Beariz ben vale unha visita. Ademais dos seus atractivos naturais, Beariz suma un patrimonio arquitectónico popular certamente reseñable, non en van este concello forma parte da Terra de Montes, que se singularizou polas habilidades e obras dos seus moitos canteiros. O mestre Cerviño, quizais sexa o máis recoñecido. Del é o cruceiro que temos na foto da esquerda.

Beariz, a capital municipal

Camiño preto de Alvite

Corredoira

Eira de Doade

Monumento ao canteiro

 Beariz é un concello que sufriu un fortísimo despoboamento desde os anos 40. Pedeu dous terzos da súa poboación. Na actualidade, segundo o censo de xaneiro de 2021, conta con 971 habitantes (densidade do 17,34 htes/km2,  cifra que a Unesco considera próxima a un deserto poboacional).

A emigración dirixiuse tradicionalmente a México e alí moitos fixeron fortuna, xunto aos outros galegos do concello veciño de Avión. Expoñente desas fortunas son as múltiples casas construídas ou restauradas polos emigrantes, que soen estar pechadas todo o ano, agás no verán. 

Outro dato que nos fala dese poderío económico dos emigrantes témolo no feito de que un concello con só 971 habitantes conta na actualidade con catro oficinas bancarias, algo inaudito neste momento de peche de sucursais. 

E un heliporto e un aeródromo cunha pista de aterraxe de 800 m de lonxitude... case nada!

https://gl.wikipedia.org/wiki/Beariz

Área recreativa da Barcia en Beariz

Monumento á esperanza do regreso do emigrante

Na ruta temos unha aldea singular, Alvite. Esta é unha das aldeas modelo escollidas pola Xunta de Galicia. E xunto con Doade, na parroquia de Xirarga, destacan sobre as demais.

Entre os elementos de interese podemos citar:

- a arquitectura das aldeas

- as eiras de hórreos (é bastante habitual na provincia de Ourense colocar todos os hórreos da aldea nun espazo comunitario e ben ventilado).

- os cruceiros

- os muíños

- as pontellas

- a Caldeira (enténdase fervenza).

- as ermidas e as igrexas

- as áreas recreativas

- a campo da feira de Doade

- os múltiples regatos

e camiños de todo tipo...

Monumento ao emigrante

Aldea modelo de Alvite

Área recreativa de Coto Pereira en Xirazga

Pontella do muíño da Caldeira

Eira de Doade

Feira en Doade

Muíño no rego da Pedriña

Arquitectura popular en Correa e Alén

A ruta ten un percorrido de 18 kms

Dificultade: media. 

Pendente media positiva: 6,2%

Pendente media negativa: -6,4%

Saída: Estación de autobuses de Lalín

Hora: 8:30

Punto de encontro: Bar Beariz, no centro de Beariz, ás 9:20 horas

Xantar en Doade, onde temos un bar-restaurante (chamado Santo Domingo de Xirazga). Cabe a posibilidade de que nos sirvan un menú por 10 € nun espazo exterior. Os que se apunten á ruta, que opinen no whatsapp sobre este asunto.

Igrexa de Xirazga